طريقة عمل قنية في الفرن
المقاديــر والطريقــة :
كندير الماء في الكوكوط درت 4 فصوص ثومة بقشرتها بصلة على اربعة وريقات سيدنا موسى نجيمات بديانة 2 او 3 حبيبات ديال الابزار صحيح عويدات الزعتر طري او يابس لي عندكم وحبيبات ديال حبة الهيل والملح
وكنيد عليها تطيب ونخرجها نصفيها وندهنها بزبدة مع شوية سمن ودخلتها الفران
الروز بالخضرة
بصلة مقطعة رقيقة شحرتها في زيت بلدية ضفت عليها فلفلة مقطعة ملونة وخيزوة وحدة محكوكة وقرعة صغيرة محكوكة وشوية الجلبانة درت العطرية الملح الابزار خرقوم وهريسة وزعتر وشوية زعفران شعرة وقزبر ومعدنوس
ودرت الروز المغسول مزيان وبقيت كنشحر 10 دقايق عاد مرقتها بالماء لي طابت فيه قنية صفيتو وهو باش طيبت الروز صافي غطيته حتى نشف وحليت وحركتو باش يتهوا ويتفرق على بعضه وخليت عافية مهيلة شي 5 دقايق صافي
ليست هناك تعليقات