طورطية بالبطاطس

المقاديــر والطريقــة : 

فيها بطاطا على حسب حجم المقلة اللي عندكم مقطعة مكعبات نقليوها فشوية ديال الزيت مع الملحة 

بصلة مشلضة وفلفلة وكرعة خضرا مقطعين مكعبات نشحروهم فنفس الزيت مع الملح ونصفيهم ونزيدوهم على لبطاطا ونوجدو 6بيضات مطربين مع الملح متكتروش حيت درتوه فالأول والسودانية وراس معلقة كمون ضرس ديال التومة محكوك ولمعدنوس مقطع نخلطو كلشي ونزيدوه على الخضر وندهنو المقلة عاد نخويو فيها الخليط ونردوها طيب فوق البوطة ونسدو عليها من لفوق باش طيب من لداخل حتى تشد راسها من لتحت عاد نقلبوها للجهة الأخرى ونخليوها تكمل الطياب العافية تكون ناقصة باش متحرقش وتبقى خضرا من الداخل وبالصحة والراحة